Thirrje për prezantime

Ftojmë zhvilluesit, folësit dhe promovuesit e ekosistemit FLOSS të aplikojnë për të mbajtur një prezantim në Balkan FLOSStival 2020. Aplikantët duhet të kenë parasysh se tema duhet të ketë të bëjë me:

• njohuri te hapura,
• softuer ose hardware me burim të hapur,
• liria e softuerit, privatësia në internet,
• open source gjatë krizës COVID-19,
• përgjithësisht kulturë e hapur

Pothuajse të gjitha sesionet do të mbahen në anglisht. Propozimet duhet të paraqiten në anglisht. Jeni të lirë të propozoni më shumë se një seancë, në një paraqitje të veçantë.

Regjistrohuni: http://www.balkanflosstival.cc/

Nëse nuk dëshironi të krijoni një llogari në Eventyay, mos ngurroni të na shkruani një email në balkanflosstival@openlabs.cc.

Rreth Balkan FLOSStival:

Ballkan FLOSStival është mbledhja e haktivistëve dhe kontribuesve të bazuar në Ballkan në fushat e software/ hardware me burim të hapur, privatësisë në internet dhe lirisë së shprehjes, njohurive të hapura dhe të dhënave të hapura.

Eventi online do të shfaqë formate të ndryshme duke përfshirë: punëtori, prezantime, biseda, në thelb çdo format që ju, pjesëmarrësit, sjellni në tryezë. Individë, organizata, universitete, institucione dhe kompani janë të ftuar të bashkojnë forcat me ne dhe të vazhdojnë të përhapin vetëdijen dhe njohuritë për të gjithë!

Ky event organizohet nga Open Labs në partneritet me fossaegean, GFOSS, FLOSSK, GreekLUG & SHARE Foundation dhe sponsorizuar nga EU for Innovation.